सूर्यदत्त शिक्षण संस्थेच्या सुषमा चोरडिया व सिद्धांत चोरडिया यांची
इंडियन इन्स्टिट्यूट ऑफ डायरेक्टर्सच्या आजीव सदस्यपदी नियुक्ती
पुणे : नवी दिल्ली येथील इंडियन इन्स्टिट्यूट ऑफ डायरेक्टर्सच्या (आयओडी) आजीव सदस्यपदी सूर्यदत्त एज्युकेशन फाउंडेशनच्या उपाध्यक्षा व सचिव, सूर्यदत्त वुमेन एम्पॉवरमेंट अँड लीडरशिप अकॅडमीच्या अध्यक्षा सुषमा चोरडिया आणि सूर्यदत्त ग्रुप ऑफ इन्स्टिट्यूट्सचे कार्यकारी विकास अधिकारी सिद्धांत चोरडिया यांची नियुक्ती करण्यात आली आहे. सुषमा चोरडिया आणि सिद्धांत चोरडिया यांच्या नियुक्तीबद्दल संस्थेचे संस्थापक अध्यक्ष प्रा. डॉ. संजय बी. चोरडिया व सूर्यदत्त परिवारातील सर्व सदस्यांच्या वतीने दोघांचेही अभिनंदन करण्यात आले.
‘आयओडी’ ही भारतासह परदेशातील कॉर्पोरेट संचालक आणि वरिष्ठ अधिकारी यांची सर्वोच्च व्यावसायिक संघटना असून, गेल्या ३१ वर्षांपासून ही संघटना सदस्य मंडळ समुदायाला सेवा देते. या संघटनेशी जगभरातील ३१ हजाराहून अधिक मंडळ सदस्य जोडलेले असून, भारत, दुबई, सिंगापूर आणि लंडन अशा ठिकाणी वार्षिक परिषदांमधून सदस्य मंडळासंबंधित विविध विषय आणि प्रश्नांवर चर्चा होते. ग्लोबल बिझनेस मीट आयोजित करून जगभरातील उद्योजक, धोरणकर्ते आणि सदस्य मंडळाला एकत्रित आणले जाते. या मंडळ सदस्यांमध्ये वैविध्यता असून, त्यामध्ये मुख्य कार्यकारी अधिकारी, मुख्य वित्त अधिकारी, लेखापाल, कंपनी सेक्रेटरी, बँकर, सल्लागार, शिक्षणतज्ज्ञ आदींचा समावेश आहे. त्यामुळे नेटवर्किंग आणि व्यवसाय वृद्धी व विस्ताराची संधी एकाच छताखाली उपलब्ध होते.
दरवर्षी भारतातील किंवा परदेशातील मान्यवर व्यक्तींना ‘आयओडी डिस्टिंग्विश्ड फेलो’ म्हणून सन्मानित करण्यात येते. डॉ. एपीजे अब्दुल कलाम यांना १९९४ मध्ये सन्मानित करण्यात आले होते. पुढे ते भारताचे राष्ट्रपती झाले होते. ही फेलोशिप राष्ट्रीय आणि आंतरराष्ट्रीय संचालक, व्यावसायिक, धोरण निर्माते इत्यादींसह चांगल्या नेटवर्किंगची संधी देते. या सदस्यत्वामुळे व्यवसाय सल्ला प्रकल्प, इंटर्नशिप्स आणि इतर उपक्रमांतून सूर्यदत्तच्या विद्यार्थ्यांना भारतातील आणि परदेशातील कंपन्यांशी जोडण्यास मदत होणार आहे. सूर्यदत्त एज्युकेशन फाऊंडेशनचे संस्थापक अध्यक्ष प्रा. डॉ. संजय बी. चोरडिया यांचा व्यापक आणि वैविध्यपूर्ण अनुभव लक्षात घेऊन, त्यांनाही यापूर्वीच संस्थेचे फेलो सदस्य म्हणून नियुक्त करण्यात आलेले आहे.
सामाजिक आणि शैक्षणिक क्षेत्रातील सुषमा चोरडिया यांचा प्रदीर्घ अनुभव लक्षात घेऊन त्यांची ‘आयओडी’च्या फेलो सदस्यपदी नियुक्ती करण्यात आली आहे. १९९९ मध्ये सूर्यदत्त ग्रुप ऑफ इन्स्टिट्यूट्सची स्थापना झाल्यापासून संस्थेच्या प्रगतीमध्ये सुषमा चोरडिया यांचे मोलाचे योगदान राहिले आहे. प्रशासन, वित्त, शिक्षक व विद्यार्थ्यांना मार्गदर्शन आणि सामाजिक व सांस्कृतिक कार्यक्रमांचे नियोजन आदी जबाबदाऱ्या त्या समर्थपणे सांभाळत आहेत. सर्वांना दर्जेदार शिक्षण आणि विद्यार्थ्यांमधील क्षमतांचा सर्वांगीण विकास यावर त्यांचा अधिक भर आहे. परोपकारी आणि सामाजिक व्यक्ती म्हणून त्यांची ओळख आहे. महिला सक्षमीकरणासाठी कौशल्याधारित मॉड्यूल्स, महिला सक्षमीकरण कार्यक्रम, जीवन कौशल्य प्रशिक्षण, जागरूकता कार्यक्रम आणि समाजातील गरजू, पात्र व आर्थिकदृष्ट्या वंचित वर्गाला मोफत शिक्षण देण्याचे काम करत असलेल्या ‘सूर्यदत्त वुमेन एम्पॉवरमेंट अँड लीडरशिप अकॅडमीच्या (SWELA)’ त्या अध्यक्षा आहेत.
महिला सक्षमीकरण आणि सामाजिक कार्यातील त्यांच्या योगदानाची दखल राष्ट्रीय व आंतरराष्ट्रीय पातळीवर घेतलेली आहे. नुकताच त्यांना लंडन येथे ‘मोस्ट प्रॉमिसिंग सोशल चेंजमेकर अँड एज्युकेशनिस्ट २०२३’ हा पुरस्कार मिळाला आहे. नवभारत एज्युकेशन अवॉर्ड्समध्ये जीवनगौरव पुरस्कार, ग्लोबल सोशल आंत्रप्रेन्युअर, वूमेन अँड चाईल्ड डेव्हलपमेंट आयकॉन इन एशिया २०२२, महाराष्ट्र भूषण अवॉर्ड २०२३, द प्राईड ऑफ इंडिया भास्कर अवॉर्ड २०२१ यासह अनेक पुरस्कारांनी त्यांना सन्मानित करण्यात आले आहे. काही दिवसांपूर्वीच लंडन येथे ‘आयओडी’तर्फे आयोजित लंडन ग्लोबल कॉन्व्हेशनमध्ये त्यांनी सहभाग घेतला. जगभरातील शिक्षणतज्ज्ञ, उद्योजक, व्यावसायिक यांच्याशी संवादाची संधी त्यांना लाभली.
‘सूर्यदत्त’चे कार्यकारी विकास अधिकारी म्हणून धोरणात्मक नियोजन, ब्रँडिंग आणि जाहिरात, कॉर्पोरेट आउटरीच कार्यक्रम, डिजिटल परिवर्तन आणि आंतरराष्ट्रीय आदानप्रदान आणि सहयोग या जबाबदाऱ्या सिद्धांत चोरडिया समर्थपणे सांभाळत आहेत. उदयोन्मुख तंत्रज्ञानामध्ये पारंगत आणि गतिशील जागतिक अर्थव्यवस्थेशी जुळवून घेण्यासाठी सुसज्ज असे विविध क्षेत्रांतील अष्टपैलू, मूल्याधारित व्यावसायिक घडविण्याचे सिद्धांत यांचे ध्येय आहे. स्थापत्य शास्त्रात अभियांत्रिकीची पदवी घेतलेल्या सिद्धांत यांनी फायनान्स आणि एचआरमध्ये एमबीए केले असून, अमेरिकेच्या हार्वर्ड एडीएक्समधून अनिमेशन व गेम डेव्हलपमेंटमध्ये प्रमाणपत्र अभ्यासक्रम पूर्ण केला आहे. आपले ज्ञान अधिक समृद्ध करण्यासाठी, तो सध्या व्यवसायातील चपळता आणि व्यवसायातील सातत्य यावर संघटनात्मक संरचनेच्या प्रभावावर लक्ष केंद्रित करून पीएचडी करत आहे.
सिद्धांत चोरडिया शिक्षण-सामाजिक संबंधाला प्रोत्साहन देणारा एक कर्तृत्ववान माणूस आहे. प्रत्येक विद्यार्थ्याला सक्षम बनवणारे आणि तरुण उद्योजकांना मार्गदर्शन देणारे दोलायमान शैक्षणिक वातावरण तयार करण्यासाठी समर्पित भावनेने ते काम करत आहेत. नुकताच सिद्धांत यांनी फिनलँडचा अभ्यास दौरा केला. त्यामध्ये त्यांनी स्कुल ऑफ फ्युचर ही शिक्षण पद्धती समजून घेतली. यासह प्रगत तंत्रज्ञान, फिनलँड येथील शिक्षण संस्थांशी सामंजस्य करार आणि भविष्यातील त्यांचे स्वप्न साकार करण्यासाठी ‘द स्कुल ऑफ फ्युचर’ ही संकल्पना त्यांनी मांडली. त्यांच्याच पुढाकारातून आता सूर्यदत्तमध्ये फिनलँडमधील ही स्कुल ऑफ फ्युचर शिक्षणपद्धती लागू करण्यात आली आहे. यामध्ये अनुभवात्मक शिक्षणावर अधिक लक्ष केंद्रित केले असून, विद्यार्थी-केंद्रित शिक्षण, शिकण्याची प्रक्रिया असे सगळेच अद्भुत आहे.
सुषमा चोरडिया म्हणाल्या, “या सदस्यत्वामुळे चोरडिया यांना नियमित होणाऱ्या चर्चा, राष्ट्रीय व आंतरराष्ट्रीय स्तरावरील सर्वोच्च व्यवस्थापनातील लोकांचे नेटवर्किंग याची संधी मिळणार आहे. ‘सूर्यदत्त’च्या विद्यार्थ्यांना भारतात व बाहेरच्या देशांतील कंपन्यांशी जोडण्याची, इंटर्नशिप, नोकरी व प्रकल्प करण्याची संधी यामुळे उपलब्ध होईल.”
