पुणे : रोटरी क्लब ऑफ पुणे सनराईजच्या अध्यक्षपदी प्रसिद्ध ऑर्थोपेडिक सर्जन डॉ. कुणाल बन्सल, सचिवपदी बाल-दंतरोग तज्ज्ञ डॉ. रिचा बन्सल, तर खजिनदारपदी सचिन तलरेजा यांची निवड झाली आहे. २०२४-२५ या कालावधीकरिता नव्या कार्यकारिणीची निवड करत त्यांचा रोटरी क्लबचे नामनिर्देशित प्रांतपाल (डीजीएन) नितीन ढमाले यांच्या हस्ते सत्कार करण्यात आला.
कार्यकारिणीमध्ये डॉ. सिमरन जेठवानी (कार्यकारी सचिव व प्रांत समिती), रवी पतोडीया (उपाध्यक्ष), प्रथमेश चौधरी (संचालक-फाउंडेशन), जीवराज चोले (संचालक-पब्लिक इमेज), खुशबू काकरानिया (संचालक-मेंबररशिप), राजू शहा (संचालक-सेवा प्रकल्प) यांचा समावेश आहे. ज्येष्ठ समाजसेवी डॉ. रमेश बन्सल, डॉ. शिव गुप्ता व २२ व्या वर्षी आयपीएस झालेल्या सिद्धार्थ भांगे यांचा विशेष सन्मान करण्यात आला. प्रसंगी असिस्टंट गव्हर्नर असीस रे, असिस्टंट लर्निंग फॅसिलिटेटर पल्लवी साबळे उपस्थित होते. प्रथमेश आबनावे, सारिका रोजेकर, गणेश चप्पलवार, विहंगा भोसले या नवनिर्वाचित सदस्यांना शपथ देण्यात आली.
