मंगलप्रभात लोढा व लेफ्टनंट जनरल (नि.) डॉ. माधुरी कानिटकर यांच्या हस्ते ‘सर्टिफिकेट ऑफ एक्सलेन्स-२०२३’ प्रदान
![](https://sarjansheel.com/wp-content/uploads/2023/08/AMR_5904-1.jpg)
परोपकारी आणि सामाजिक कार्यकर्त्या असलेल्या चोरडिया समाजाच्या भल्यासाठी आणि वंचितांच्या उन्नतीसाठी अथक परिश्रम करत आहेत. त्यांच्या मार्गदर्शनाखाली सूर्यदत्त एज्यु-सोशियो कनेक्ट, फूड बँक, नॉलेज बँक, क्लोदिंग बँक, प्रॉडक्ट बँक अंतर्गत विविध स्वयंसेवी कौशल्य आधारित प्रकल्प, जागरूकता कार्यक्रम आणि समाजातील गरजू, आर्थिकदृष्ट्या वंचित वर्गाला मोफत शिक्षण देण्यात येते. समाजातील सर्व स्तरांतील विद्यार्थ्यांना शिक्षणासाठी प्रोत्साहित करण्यासह गरीब व गरजू विद्यार्थ्यांना अर्थसहाय्य करणे आणि कोणताही भेदभाव न करता त्यांना शिक्षणाची सुविधा उपलब्ध करून दिल्याच्या, तसेच २००० पेक्षा अधिक नोकरदारांना उच्चशिक्षणासाठी ‘लर्न व्हाईल अर्न’ अंतर्गत शिष्यवृत्ती, महिला, रेल्वे कुली, रिक्षा ड्रायवर, अशा आर्थिक मागास वर्गातील मुलामुलींना कौशल्य विकासाचे, इंग्रजी भाषा व संगणकाचे प्रशिक्षण देत असल्याबद्दल त्यांना ओळखले जाते. सूर्यदत्त ग्रुपने सुरू केलेल्या विविध महिला सक्षमीकरण कार्यक्रमांमध्ये चोरडिया यांचा मोलाचा वाटा आहे. गावातील महिलांना शिलाई मशीनचे मोफत वाटप, तसेच शिलाई प्रशिक्षण, मुलांना मोफत कपडे आणि सकस आहाराचे वाटप, महिला तसेच इतरांकरिता आरोग्य तपासणी शिबिरे, आरोग्यविषयक प्रशिक्षण आदी उपक्रमांचा समावेश आहे.
सुषमा चोरडिया म्हणाल्या, “सूर्यदत्त ग्रुप ऑफ इन्स्टिट्यूट्स संस्थेच्या स्थापनेपासून विद्यार्थ्यांना सर्वोत्तम आणि सर्वांगीण शिक्षण देत आहे. संस्था यंदा रौप्य महोत्सवी वर्ष साजरे करत असून, या वर्षात मिळालेला सन्मान विशेष आनंददायी आहे. प्रा. डॉ. संजय बी. चोरडिया संस्थापक व अध्यक्ष सूर्यदत्त एज्युकेशन फाउंडेशन यांच्या मार्गदर्शनाखाली संस्था विद्यार्थ्यांना मूल्याधिष्ठित शिक्षण, कमवा आणि शिका तसेच शिष्यवृत्तीच्या योजनेतून आर्थिक सहकार्य, स्टार्टअपना संधी देत आहे. जीवनगौरव सन्मानामुळे शिक्षण आणि महिलांच्या सक्षमीकरण क्षेत्रात प्रभावी कार्य करण्याच्या आपल्या ध्येयास पाठबळ मिळाले आहे.”